ڕیاڵ مەدرید داوای دەستلەکارکێشانەوەی خێرای خافیێر تێباس دەکات

16/10/2026

یانەی ڕیاڵ مەدرید لە بەیاننامەیەکی فەرمیدا داوای دەستلەکارکێشانەوەی خافیێر تێباسی، سەرۆکی لالیگای ئیسپانیای کردووە، دوای ئەوەی تێباس کەناڵی فەرمی یانەکەی بە بەکارهێنانی شێوازەکانی پروپاگەندەی ئەڵمانیای نازی بەراورد کرد.

تێباس وتبووی کە ڕیاڵ مەدرید و کەناڵەکەی بەردەوام یانەکە وەک قوربانیی بڕیارەکانی داوەری و لالیگا پیشان دەدەن، بەوەی هەڵبژاردنی دیمەنەکانی یاری، دووبارەکردنەوەی بانگەشەی نادادپەروەری و دروستکردنی گومان لە دەوری بڕیارەکان بەکاردەهێنن.

ڕیاڵ مەدرید لە بەیاننامەکەیدا ئەم بەراوردکردنەی بە قورس و قبوڵنەکراو وەسف کردووە و ڕایگەیاندووە کە هێرشەکانی تێباس دژی یانەکە و میدیا فەرمییەکەی بەردەوامن. یانەکە هەروەها داوای ڕوونکردنەوەی تەواوی کەیسی «نێگرێرا» و چاکسازیی سیستەمی داوەری و دامەزراوەکانی بەڕێوەبردنی تۆپی پێی ئیسپانیای کردووە.

ڕیاڵ مەدرید لە کۆتاییدا جەختی لەوە کردووەتەوە کە بەهۆی ئەم قسانە و ڕەفتارە بەردەوامانە، تێباس شایستەی بەردەوامبوون لە پۆستی سەرۆکایەتی لالیگا و جێگری سەرۆکی فیدراسیۆنی تۆپی پێی ئیسپانیا نییە، بۆیە داوای دەستلەکارکێشانەوەی خێرای کردووە.

Views: 59