سلێمانی: کارەبای ماڵی شاعیر لەتیف هەڵمەت دەبڕدرێت

24/10/2026

لەتیف هەڵمەت، شاعیری ناسراوی کورد، لە پەیامێکدا لە تۆڕە کۆمەڵایەتییەکان، ناڕەزایی خۆی لە بڕینی کارەبای ماڵەکەی دەربڕیوە و ڕەخنەی لە بەرپرسانی پەیوەندیدار گرتووە

هەڵمەت دەڵێت، سەرەڕای پابەندبوونی بە پارەدانی خزمەتگوزارییەکان، لەوانە پارەی دوو مانگی کارەبای پێشوو، پڕۆژەی ڕووناکی و ئاو، کارەبای ماڵەکەی لە بەیانییەوە بڕاوە

ئەم شاعیرە لە بەشێکی دیکەی پەیامەکەیدا ئاماژە بەوە دەکات کە پارەی ٢٥ مانگ و سێ چارەکی مووچەی لای حکومەت ماوەتەوە. هەروەها باسی دۆخی تەندروستیی خۆی دەکات و دەڵێت، دوای ئەوەی تازە نەشتەرگەریی چاوی بۆ کراوە، نەبوونی کارەبا کاریگەری لەسەر ژیانی ڕۆژانەی دادەنێت

لەتیف هەڵمەت بە پەیامەکەی پرسیار لە بەرپرسان دەکات: چۆن لەگەڵ ئەم دۆخەی تەندروستی و نەبوونی کارەبا، بتوانێت کارەکانی ڕۆژانەی بەڕێوەببات؟

Views: 38